لساك بتخبط على بابها .... بقلم أحمد أبو العنين

لساك بتخبط على بابها
و مستني فـ مرة ترد عليك
و بتوجع فيك ..
عماله تكتر ف جروحك
و تشيل م الارض و تحدف هم
لساك متعشم يا عبيط و حياتك غم.
لساك مجنون ..
عمال ف وشوش الناس تضحك زي الدراويش
و ان سألوا عليك تعمل عايش و ترد مفيش
لساك عقلك مفهوش غير طيش ..
عمال بتقلب ف الاوجاع ..
و ان سابك حد تقول اهو باع
الدنيا خداع ..
بتفنط اورقها ف جوفك
و بتظرفلك كارت الشايب وانت غشيم
عماله بتديلك علقم
و تقولي .. امين
ازاي هتفوق و انت مسلم
ازاي هتفوق ..
مين طبطب علي قلبك مرة و مدكش خازوق..!