دهنت الزيف .... بقلم خيرى على

دهنت الزيف
بزرع اخضر ونور وخيال
وصبيت الدهان ع الظن
رجعت كأنى طفل يتيم
بيلعب .. جنب اشواقه
لضمة حضن
طلع ممكن اكون واكون
حاجات غير بعض
أعض الارض والتوقيت
وانا بتعض
اتارى البحر ف الميه
بيغرق واحنا مش عارفين
اتارى الناى بيشجينا
ويبكينا
وهو حزين
ومين قال النهار مبسوط من الضى اللى عايش فيه ؟
سكاتك
نفسه يتكلم
وفرحك
نفسه يتألم
وامتى براحك اتعلم
ينام ف الطل
دهنت الزيف بالوان السما السبعه ومش مرتاح
ومش مرتاح