قصيدة : كلميها .... بقلم الشاعر محمد كحيله

كلميها
عن مشاعر عايشه فيا وعايشه بيها
كلميها ان لسه الشوق فى قلبه
وان مهما عيونه خبوا
لما جوه ضلوعه دبوا
شوق محبه حنين اليها
كلميها انه دايب
وان قلبه قلب خايب
وانه شاف بعدك عجايب
بس لسه شوقه ليها
كلميها عن حنينه
والدموع اللى ف انينه
والشموع لساها طافيه
والليالى الباردة دافيه
والحياه بعدك ما كافيه
لسه قلبي يا دوب بعافيه
من يوميها مش لاقيها
كلميها عن سنينه
اللى هربت من يوميها