هاكتبلكم..
وعارفكوا مبتقروش
كُل اللي كتبوا دوروا.. ملقوش ..
و بـحُزن مبدور ع السكك قالوا :
"إنّا نراك مسحول على الأسفلت"
كان لوني فاتح
بس يومها قفلت
بسم البطل و القصة و الرحلة
بسم الهموم و التوهة و الوحلة
أنا لسّه بترحّم على امبارح
الماضي حالف ليه يكون أحلى؟!
كُنت ميّت..
بس عندي القُدرة أسلّم ع اللي جاي يعزي فيا
أشبه فـِ موتي لـ "انتحار راهب"
عشمكوا بالجنة و لكنهُ مدخلهاش
و سألت على كفني و قالولي :
"لسه مجاش"
يمكن مالوش لزمة
ايه يعني بعد الموت راح يتحسب "ازمة"؟!
ختم الحياه بهتان
والصورة مش ألوان
وأنا في الحقيقة جبان
أكتر ما تتخيِل
أنا فـ الأساس عيّل
لا عرفت أكون صاحب
ولا كانلي يوم صاحب
و قابلتني صُدفة
و وافقت نتصاحب
و رسمتني ع الحيط
و رسمتها جنبي
أدركت إني عبيط
معلش.. مش ذنبي
القهوة بــ السُكّر
و البنت دي سُكّر
رحلة علاج سنتين
اسم المرض: سُكّر
أنا مُت متأخر
عديها.. قُلنا جبان
مجدع و يوم ما يموت
ياخد عزاه.. نسوان
وعارفكوا مبتقروش
كُل اللي كتبوا دوروا.. ملقوش ..
و بـحُزن مبدور ع السكك قالوا :
"إنّا نراك مسحول على الأسفلت"
كان لوني فاتح
بس يومها قفلت
بسم البطل و القصة و الرحلة
بسم الهموم و التوهة و الوحلة
أنا لسّه بترحّم على امبارح
الماضي حالف ليه يكون أحلى؟!
كُنت ميّت..
بس عندي القُدرة أسلّم ع اللي جاي يعزي فيا
أشبه فـِ موتي لـ "انتحار راهب"
عشمكوا بالجنة و لكنهُ مدخلهاش
و سألت على كفني و قالولي :
"لسه مجاش"
يمكن مالوش لزمة
ايه يعني بعد الموت راح يتحسب "ازمة"؟!
ختم الحياه بهتان
والصورة مش ألوان
وأنا في الحقيقة جبان
أكتر ما تتخيِل
أنا فـ الأساس عيّل
لا عرفت أكون صاحب
ولا كانلي يوم صاحب
و قابلتني صُدفة
و وافقت نتصاحب
و رسمتني ع الحيط
و رسمتها جنبي
أدركت إني عبيط
معلش.. مش ذنبي
القهوة بــ السُكّر
و البنت دي سُكّر
رحلة علاج سنتين
اسم المرض: سُكّر
أنا مُت متأخر
عديها.. قُلنا جبان
مجدع و يوم ما يموت
ياخد عزاه.. نسوان
ليست هناك تعليقات:
إرسال تعليق