قصيدة : شايف دموع ... بقلم الشاعر محمد بدر

شايف الدموع
اللى فى عنيك
بتقول رساله
مافيش أمان
من الزمان
مجروح
بتعشق صوت
الأنين والنوح
وانا احبك موت
وكل يوم القاك بحاله
عارفك عنيد
تبعد بعيد عن القلب
أستحاله
وانا قلبى ليك
مفتوح
بيقولك ارجع
لعشك تعاله
ده انت حبيب الروح
انا عينى عليك
وفين ما تروح
هتفضل انت
بردو الحبيب
وحب قلبى
هو الطبيبب
والقمر يفضل قمر
مهما يغيب
والليل فى بعدك
كأيب
وحضن قلبى
مفتوح تعاله